ណូវែលសេឡង់៖ ទីក្រុង Auckland កំពុងព្រមានប្រជាជនឱ្យនៅផ្ទះ ខណៈទឹកភ្លៀងបានជន់លិចកាន់តែខ្លាំង ហើយផ្លូវថ្នល់ក៏ត្រូវបានទឹកជន់លិចលង់ផងដែរ។ មានជនរងគ្រោះមួយចំនួនត្រូវបានអ្នកពន្លត់អគ្គីភ័យប្រើខ្សែពួរទាញចេញពីក្នុងផ្ទះដែលលិចទឹកផងដែរ។

យោងតាមការចុះផ្សាយរបស់ nzherald.co.nz នៅថ្ងៃទី២៧ ខែមករា ឆ្នាំ២០២៣នេះ សំឡេងសារ៉េឡានសង្គ្រោះបានបន្លឺឡើងពេញទីក្រុងដើម្បីឆ្លើយតបនឹងការខលទូរស័ព្ទសង្គ្រោះបន្ទាន់ពេលដែលទឹកកំពង់ជន់លិចយ៉ាងគំហុក។

រាល់រថយន្តពន្លត់អគ្គីភ័យនៅក្នុងទីក្រុង Auckland បានកំពុងឆ្លើយតបទៅនឹងភាពអាសន្នជាអាទិភាព ដោយមានការហៅទូរស័ព្ទជាង ៤០០ទៅកាន់ Fire and Emergency NZ ដើម្បីទទួលបានជំនួយ ដោយសារតែភ្លៀងធ្លាក់ពេញទីក្រុង និងជាយក្រុងជាច្រើនត្រូវបានវាយប្រហារដោយទឹកជំនន់។

វីដេអូដ៏គួរឱ្យចាប់អារម្មណ៍បង្ហាញពីទឹកជន់លិចលើរបាំងផ្លូវទៅកាន់ផ្លូវឡានក្រុងដែលលិចទឹករួចហើយ និងការលិចចូលនៅខាងក្នុងឡានក្រុងដែលផ្ទុកអ្នកដំណើរ។

សេវាអគ្គីភ័យ និងសង្គ្រោះបន្ទាន់ NZ (FENZ) បានជំរុញឱ្យមនុស្សហៅទូរស័ព្ទទៅលេខ ១១១ ប្រសិនពួកគេកំពុងស្ថិតក្នុងភាពគ្រោះថ្នាក់។ NZ (FENZ) បានលើកឡើងថាប្រព័ន្ធទូរស័ព្ទជាច្រើនបានខលដែលធ្វើឱ្យមានការពន្យារពេលក្នុងការទទួលលេខដែលស្នើឱ្យសង្គ្រោះបន្ទាន់ផ្សេងទៀត៕